Hví bleiv Sirið Stenberg forkvinna í Tjóðveldisflokkinum?
- Illar tungir vilja verða við, at Sirið Stenberg heitti á Norðoya Tjóðveldisfelag um at fáa atkvøðurnar har norðuri frá, afturfyri skuldi Ruslandssáttmálin halda fram og akkurát hendan atgerðin, sum hon nú ger kann verða við til at hesin sáttmálin sum hevur verið síðan 1977 hann er burtur og kemur ongantíð aftur, segði Tórbjørn Jacobsen í sendingini "Stjórnin" á FM1
Sirið Stenberg, landsstýriskvinna í uttanríkismálum, hevur lagt uppskot fyri tingið, sum snýr seg um at tað nú skal bera til at seta Murman Seafood á svartalista í Føroyum.
Hetta heldur Tórbjørn Jacobsen lítið um.
- At Uttanríkisráðharrin kemur í parlamenti við einum uppskoti um at bróta ein part av einari avtalu, sum man hevur gjørt við eitt annað land Hetta er heilt heilt margháttligt, eg hopi ikki at tingið tekur undir við hesum málinum, segði Tórbjørn Jacobsen.