Kringvarpið veit at siga, at sambært Hagstovuni hava Føroyar útflutt fyri góðar 1,3 milliardir krónur til Russlands síðsta árið til 1. juli í ár. Føroyar seldu makrel til Russlands fyri 864 milliónir og sild fyri 380 milliónir krónur síðsta árið. Bogi Jacobsen, stjóri, stúrir fyri, at Russland kann svara aftur upp á revsiatgerðirnar við at seta forðingar fyri føroyska útflutningin til Russlands.

Eisini formaðurin í Reiðarafelagnum, Hanus Hansen, stúrir fyri avleiðingunum. Tekur ein meiriluti av Løgtinginum undir við Sirið Stenberg, kann avleiðingin vera, at Russland ikki vil gera sáttmála við Føroyar aftur, og tað at verða ein katastrofa fyri Barentshavs-flotan, sigur hann við Kringvarpið.

Hanus Hansen sigur, at hann ikki skilir, hví Sirið kemur við hesum uppskotinum, tá talan einans er um ein illgruna. Landsstýriskvinnan sigur sjálv við Kringvarpið, at sum hon hevur fingið tað fortalt, hava reiðaríini onki ólógligt gjørt í føroyskum øki. Men í lógaruppskotinum stendur, at ein illgruni er nøktandi grundarlag fyri at seta revsitiltøk í verk, eins og tað stendur tilskilað, at fyri at seta revsitiltøk í verk er ikki neyðugt, at illgrunin skal vera um, at tey hava framt nakað revsivert í Føroyum.

Innsløgini í Kringvarpinum kunnu hoyrast her:

Formaðurin í Reiðarafelagnum

Stjórin í samtakinum Varðin