Tær tóku seg saman at syngja í 2020 - ein lítlil bólkur av kvinnum, sum allar brenna fyri kórsangi.

Endamálið var at stovna eitt kór, sum var til reiðar at takast við fjølbroyttan og avbjóðandi tónleik. Tónleikaskráin fevnir víða og er sett saman av klassiskum og nútímans tónleiki úr øllum heiminum.

Síðani Silvitni varð sett á stovn í 2020, hevur kórið verið sera virkið. Tær hevur framført á festivalum, sungið til privat og almenn hátíðarhald og nógv onnur tiltøk.

Tær hava fyri kortum luttikið á European Choir Games, so kórið var sera væl fyri til konsertina í Varpinum í gjárkvøldið.

Konsertin, sum varð fyriskipað í samstarvi við Summartónar, eydnaðist avbera væl. Tað hoyrdist, at her var talan um væl samansungnar damur við drúgvum royndum, ið vístu síni kynstur undir konu hond Cinthia González Parada´s.

Framúr konsert!