Sjómannadagurin  er serstakliga væl umtókt uttan fyri Norðoyggjar eisini. Tað sæst ikki minst við at hyggja at ferðslutølum gjøgnum Norðoyatunnilin.

Mánadagin 18. august koyrdu 5.152 bilar gjøgnum Norðoyatunnilin (báðar vegir). Tað er umleið 800 fleiri enn árini fyri, 2023 og 2024. Týsdagin koyrdu 5.358 bilar ígjøgnum, mikudagin 5.136, hósdagin 5.224 og fríggjadagin 5.572. Í øllum førunum var talan um fleiri hundrað bilar fleiri enn tey bæði undanfarnu árini.

Sjálvan Sjómannadagin, ið var leygardagin 23. august, gjørdi tað sama seg galdandi. Ikki færri enn 6.742 bilar koyrdu ígjøgnum Norðoyatunnilin, og tað vóru fleiri enn 1.500 meira enn í 2024. Sunnudagin var talið 3.564, sum eisini var hægri enn sunnudagin eftir Sjómannadagin tey bæði undanfarnu árini.