Kristian Martin: Púra skilaleyst at boykotta uttan prógv
Tað hoyrir onga staðni heima at fara at boykotta russisk skip uttan nøkur prógv. Tað skapar óneyðugan ótryggleika, og um vit gera tað, so kemur heilt víst ein reaktión úr Russlandi, sigur Kristian Martin Rasmussen, sum tó ikki væntar, at fiskiveiðiavtalan verður uppsøgd. Kristian Martin ávarar staðiliga ímóti at provokera Russland í ein mun, sum setir kvoturnar í vanda.
Russland eigur eisini æruna fyri, at Føroyar hóraðu so væl undan, tá Føroyar sjálvar vórðu
boykottaðar av ES. Kristian Martin Rasmussen sigur, at tað tá beinleiðis batnaði fyri føroyska
fiskivinnu, og at eitt boykott í sær sjálvum ikki er nakar undirgangur, men missa Føroyar kvotuna í
Barentshavinum, so er tað heilt alvorligt.
Kristian Martin Rasmussen leggur afturat, at uppskotið hjá Sirið Stenberg er komið burtur úr
ongum: – ”Tað er púra óneyðugt at gera hetta”, sigur hann og vísir til boykottið. – ”Har eru ongi
prógv fyri, at hasi skipini hava gjørt nakað sum helst galið, so vit eiga at lata tey fáa frið. Vit kunnu
handla við Russland við góðari samvitsku, tí ST hevur klárt givið til kennar, at matvøra má og skal
vera undantikin sanktiónunum móti Russlandi, og tað er altso matvøru, vit handla við”, sigur
Kristian Martin Rasmussen við Fólkapoddin.