Lýsing
Lýsing
Lýsing

Føroya Skipara- og Navigatørfelag stórstuðul hjá Róðrarsamband Føroya

SKRIVAÐ: Jóhann Lützen  |  29.08.2025 - 12:25 Ítrottur Tíðindi

Róðrarsamband Føroya (RSF) og Føroya Skipara- og Navigatørfelag (FSN) hava gjørt eina stuðulsavtalu, har FSN verður stórstuðul hjá RSF í 2025. Við hesi avtalu verður dentur lagdur á, at styrkja karmarnar hjá børnum og ungum, sum dagliga finna gleði og felagsskap í føroyska kappróðrinum.

 

FSN hevur í mong ár tikið undir við tiltøkum, ið fremja trygd, trivna og menning í føroyska samfelagnum. Við hesi stuðulsavtalu verður eisini víst á, hvussu týdningarmikið tað er, at børn og ung hava góðar møguleikar, at luttaka í ítrótti – einum sunnum felagskapi – sum bæði styrkir kropsliga og sosialt.

RSF fegnast eisini um samstarvið, sum gevur feløgunum kring landið betri møguleikar at røkka fleiri ungum, bæði gjøgnum kappróðurin um summarið og inniróðurin í vetrarhálvuni. Hetta merkir, at rógvarar kunnu njóta eitt fjølbroytt og sunt ítróttarlív alt árið.

Formaðurin í RSF, Petur Hansen, fegnast um samstarvið og leggur dent á týdningin av góðum karmum fyri næstu ættarliðini:

– “Vit vilja fegin skapa eitt umhvørvi, har eisini børn og ung kunnu mennast í einum tryggum og sunnum felagsskapi. Við stuðlinum frá Føroya Skipara- og Navigatørfelag fáa vit betri møguleikar at styrkja feløgini kring landið, so fleiri ung kunnu fáa gleði av kappróðrinum – bæði á sjónum og í inniróðri alt árið.”

Við hesum stuðli verður ikki bert arbeitt fyri úrslitum í bátinum ella á maskinuni, men eisini fyri einum tryggum og sunnum felagsskapi, sum kann vera við til at menna børn og ung – bæði kropsliga og mentalt – til gagns hjá feløgunum í framtíðini og samfelagnum sum heild.

Lýsing
Seinastu tíðindini
Akademi­stjó­rin hjá KÍ er settur sum tekn…
VILMUND á veg til Rødbygaard – brot úr l…
Fimm mans í áttatiáru­num mintust sluppin…
Føroya Skipara- og Navigatør­felag stórst…
Melda til heilsufótbólt 2025
Epli av Sandi
Norð­urlanda meistaraheitið fyri seyðahun…
Tjóðstarta við hugnaløtu og dansi fríggj…
Lands­stýris­kvinnan í umhvørvismálum á vi…
Barentshavið fyri hóttafalli orsaka av æ…
Eiga at kanna fortíðina
Aksel Remmel við nýggjum staklagi
Gjaldstovan er á Vanganum - betri yvirli…
Í gjár hevði Linda Laksáfoss sín seinast…
Listaverk við Rætt
- Útflutningsbann til Russlands verður t…
Opið bræv til SEV
Fá tær armbandið á áðrenn - og slepp und…
EU boykottaði Pison
Kristian Martin: Púra skilaleyst at boyk…