Tað var einvegis ferðsla at kalla allan dystin og 6-2 sigurin var ikki og stórur ímun til leikgongdina. Málini hjá KÍ skoraðu Páll A. Klettskarð (2), Árni Frederiksberg, Deni Pavlovic, Filip Brattbakk og Claes Kronberg. Móti endanum av dystinum skoraði FC Suðuroy tvey mál og sostatt skoraði FC Suðuroy hesa løtuna 20 % av øllum málunum, sum eru skorað móti KÍ í ár.

Niðurteljingin til, nær KÍ verður føroyameistari er nú byrjað, og nógv bendur á, at hetta verður staðfest til ein útidyst. TÍ 23. 24 og 25. dystur hjá KÍ eru allir á útivølli. Móti EB/Streymi, B68 og 07 Vestur. Um KÍ vinnur sínar dystir og NSÍ og/ella HB vinna sínar dystir, so verður tað í 24. umfari á Svangaskarði sunnudagin 28. september.