Mikudagin var árligi ítróttardagurin á TSK. Tøknibreytin skipaði fyri ítróttarkappingunum, og Matvørudeildin gjørdi heilsugóðan mat og smoothie til allar luttakararnar.

Yvir 200 næmingar høvdu skipað seg í 45 lið á 4-6 persónar. Stuttligt var at síggja, hvussu nógv ymisku liðini høvdu gjørt burturúr við búnum og øðrum.

Liðini skuldu dystast á 13 ymiskum postum: Kasta 20 kg-bólt, longdarlop, straffispark, kettlebell, borðtennisstafett, spurnakapping, togtogan, skíðstafett, armboyggingar, badminton, kasta bólt, føroysk umseting og kross og bolla.

Vinnararnir av ítróttarkappingini gjørdust ‘Ohm's lóg’. Hetta eru næmingar, ið ganga á Eldeildini.

Eftir ítróttarkappingina var árliga flogbóltskappingin á skránni. Har vunnu “Smámenn” sum varð mannað við næmingum, ið ganga á Tøknibreytini.

Vit ynskja vinnarunum til lukku og takka fyri ein sera væleydnaðan ítróttardag!

Eisini vilja vit takka Húsarhaldsskúlanum, Sjónámi og Valskúlanum fyri gott samstarv.

Á Facebook-vanganum hjá skúlanum ber til at síggja myndir frá ítróttardegnum. Eisini ber til at síggja myndir og filmar á Instagram-vanganum hjá skúlanum: tsk_fo