Kappingarneytarnir í topp 3 hava greitt sína skyldu, so nú skulu vit síggja, um KÍ hevur gummibein ella koyrir FM trygt í hús..

KÍ hevur bara vunnið ein av síðstru trimum dystunum, so hetta er størsti niðurtúrurin higartil í ár. Men 0-0 javnleikirnir eru komnir á heimavølli móti tveimum topp 4 liðum, so tos um gummbein kemur neyvan á breddan, fyrr enn KÍ hevur sett stig til móti botn 5 liði. EB/Streymur hevur mangan argað KÍ síðstu árini, og tað eru í øllum førum tríggir dystir, sum hava verið avgjørdir í yvirtíðini.

Hjá KÍ hevur Jákup B. Andreasen leikbann, men ivamál eru um fleiri aðrar leikarar. Odmar Færø fór út við skaða móti Víkingi, meðan René S. Joensen og Patrik Johannesen í longri tíð hava spælt við skaðatrupulleikum. Hjá EB/Streymi hevur Thomas Bjørn Miezan leikbann.

Dysturin á Djúpumýru byrjar kl. 15.00. Dómari verður Eiler Rasmussen.