Fyri milliónaupphæddir hevur í alt summar verið arbeitt upp á ferjuleguna á Syðradali. Ætlanin við arbeiðnum segðist vera, at Teistin skuldi koma norður at sigla í Kalsoynna.

Men nú hevur onkur funnið útav, at ein ferjulega eisini er í Klaksvík, og at Teistin heldur ikki sleppur at har, uttan samsvarandi íløgur, sum á Syðradali, verða gjørdar.

Enn er einki gjørt í Klaksvík. Teistin er ikki komin norður at sigla, og nú sleppur Sam ikki at á Syðradali vegna havnaumstøður í høgættarloti.

Orsøkin er, at ferjulegan er gjørd til Teistan, og ikki til Sam.

Farleiðini um Kalsoyarfjørð við Sam, var annars tiltikin fyri fáu avlýsingarnar vegna veður, áðrenn ferjulegan á Syðradali varð broytt.

Spell um tað í hesum føri, hevur verið arbeitt við dintlinum fyri, sum so oftani, tá um útjaðaran ræður?

Vónandi er hetta ikki byrjanin til eina røð av avlýsingum á kalsoyarleiðini, tá hann lotar høgt, ella tá fyrstu lágættarnosini koma, nú heystið er, og veturin nærkast.

Bjørn Kalsø