Vit, sum hava hildið við KÍ siðan 1970’ini, minnast fleiri áratíggju í “oyðimørkini” uttan eitt einasta FM-heiti ella steypasigur.

Hetta er nú totalt kollvelt, soleiðis at KÍ nú í nøkur ár hevur verið - og framvegis er - besta liðið í landinum, sum øll hini vilja  basa og punktera - men tann vognin mugu vit undir ongum umstøðum leypa uppá!

Magnus og Thomas hava vent KÍ-skútuni

Av tí at Magne Hoseth so brádliga í januar 2024 segði upp sum høvuðsvenjari hjá KÍ, fingu vit eitt turbulent kappingarár í 2024.

Hetta hava vit tíbetur ikki fingið í ár, 2025, tí KÍ-leiðslan má sigast at hava verið heppin í sínum vali av høvuðsvenjarapari, sum í dag er mannað av Magnus Powell, høvuðsvenjara, og Thomas Gabrielsson, hjálparvenjara.

Ekspertarnir tosa KÍ niður men á vøllinum er KÍ best

Kórið av ekspertum við mikrofon í hond, sum tosa KÍ niður, er ikki so lítið.

Nú ein dagin hoyrdist ein av hesum siga, at HB í ár hevur betri verju enn KÍ, hóast stigatalvan sigur, at HB hevur latið inn 34 mál, meðan KÍ hevur latið 12 mál inn!

Aðrir ekspertar rósa NSÍ fyri fantastislan álopsfótbólt og Føroya klárt besta álop, men um vit kaga í stigatalvuna, so sigur hon, at KÍ pr. í dag hevur bara skorað 6 mál færri enn “Føroya klárt besta álop”. 

Sjálvandi royna “ekspertar” í KvF og øðrum rásum kring Havnina at tosa KÍ niður, men hesum mugu vit KÍ-fjepparar ikki lata okkum ávirka av.

Gloymið ikki, at vit í løtuni eiga kanska besta føroyska klubb-liðið nakrantíð!

FM nærkast í stórum! Latið okkum nú geva KÍ dygga uppbakking!

KOYR Á KÍ !!!

KÍ-fjeppari