Heystdagur í SMS við super tilboðum og góðum undirhaldi
Hósdagin 2. oktobur er afturvendandi og vælumtókta tiltakið heystdagur aftur á skránni í SMS. Handlarnir, sum eru á tremur við nýggjasta heystmótanum og heystvørum annars, hava opið til langt út á kvøldið, og samstundis er nógv gott á skránni á Torginum.
Á Torginum er nógv spennandi frá kl. 18 til kl. 22.
Flest øll elska vit tónleik, og fer Pete With The Beat at diska á Torginum frá kl. 18 hendan dagin.
Eitt nú vegleiða Matas og The Body Shop við tí nýggjasta nýggja innan fyri kropp, sál og smyrsl.
Eisini ber til at fáa sær hol í oyrað frá Nomi ella tatovering frá Valkyrju.
Lea vísir, hvussu hon ger vøkru pappírsblómurnar, sum eru so vælumtóktar fyri tíðina.
Omaná vísir, hvusssu mann prýðir við sjokolátu, tá ið tú bakar heima.
Eisini er okkurt gott til góman frá Omaná, Sunset, Sushi Daily og Horninum
SMS letur dyrnar aftur klokkan 22 hóskvøldið.