Kvinnurnar hjá Stjørnuni hava í dag verið á Skála og leikt ímóti StÍF. Tað gekk javnt á fyrstu minuttirnar, tó var tað Stjørnan, sum hevði munin. Tá ið fyrri hálvleikur var hálvrunnin, var støðan 8-5 til Stjørnuna. Næstu løtuna hevði Stjørnan hug at økja um leikðsluna, og tá ið 27 min. vóru leiktir, var støðan 14- 7 til Stjørnuna. StÍF fekk minkað nakað um munin áðrenn hálvleik, soleiðis at hálvleiksstøðan gjørdist 14-10 til Stjørnuna.

Gongdin var nakað tann sama í seinna hálvleiki. Tá ið seinni hálvleikur 10 min. gamal, var leiðslan hjá Stjørnuni økt til 19-13. StÍF royndi at svara aftur, men leiðslan hjá Stjørnuni kom ongantíð í vanda, og dysturin endaði við einum uppibornum 26-20 sigri til Stjørnuna.

Málini hjá Stjørnuni skutu: Durita K. Ljósstein 11, Paula Leivsgarð 3, Jancy Poulsen 3, Ai Waagstein 2, Hanna Brandal 2, Paula á Lakjuni 2,  Joan Sørnsen, Julie V. Christensen og Iulia Nalviko hvør sítt.