Sunnukvøldið er hátrýstið farið burtur frá okkum, og eitt lágtrýst við nógvum regni fer at nærkast sunnaneftir.

Veðrið um vikuskiftið:

Enn er eitt lítið lot av útsynningi, minni enn 6 m/s, samdrigið og okkurt ælið, í støðum norðanfyri er  klárt. Í kvøld veksur hann vindin upp í lot til frískt lot, 3 til 8 m/s, samdrigið og ælaveður. Fram ímóti morgni lítið lot sunnan, minni enn 5 m/s, samdrigið og bert okkurt ælið.

Hitin 7 til 10 stig. 

Í morgin fer hann at koma lágt (sunnan), vindferðin minni enn 5 m/s, samdrigið og okkurt ælið í støðum. Um náttina gongur hann eysturum og fer upp í eystan, hálvskýggjað og turt.

Hitin 7 til 11 stig.

Sunnudagin aftur lot til frískt lot eystan, 3 til 8 m/s, samdrigið og kanska okkurt ælið í støðum. Um kvøldið samdrigið, og fram ímóti midnátt fer at regna.

Hitin 8 til 11 stig.

Gott vikuskifti.