Hermótið bjóðar øllum til ein heilan dag við figur-borðspølum. Talan er um eitt serstakt og fjølbroytt ítriv, sum sameinir leik, list og samanhald. Tað verður fyrst og fremst Warhammer á skránni, ið er heimsins kendasta figur-borðspæl. Í hesum spæli byggja og mála luttakararnir sínar egnu herdeildir av smáum modell-figurum, og dystast síðani við teimum í einum borðspæli, ið krevur bæði skynsemi og hugflog.

Tað er eitt ókeypis tiltak har bæði ung og vaksin fáa høvi at uppliva hetta ítriv, sum Hermótið arbeiðir við at menna í Føroyum. Tað verður eitt opið og hugnaligt umhvørvi, við onkrum spennandi til øll. Vitjandi kunnu m.a. royna síni handaligu evni við at líma og mála figurar, sum Hermótið bjóðar. Eisini verða borð sett fram við stórslignum landslagi, har bæði roynd og óroynd kunnu royna seg í strategiskum spæli ímóti hvørjum øðrum.

Titlakið er frá kl. 10:00 til 22:00 Leygardagin 1. Novembur í Valskúlanum, og øll eru hjartaliga vælkomin, stór sum smá. Støkk á gólv og fá eina heilt serliga uppliving.