Eftir stórsigur 35-24 á VB, eru kvinnurnar hjá Stjørnuni á veg norður um Suðuroyarfjørð við tveimum stigum í viðførinum. Stjørnan tók leiðsluna frá dystarbyrjan, og økti støðugt um leiðsluna, sum fyrri hálvleikur leið. Hálvleiksstøðan var 17-11 til Stjørnuna. Stóri spælarin hjá Stjørnuni í fyrra hálvleiki var Joan Sørensen, sum á vinstra vongi skorarði fimm ferðir.

VB kom betur við teir fyrstu 10 minuttirnar av seinna hálvleiki, og tá leiktir vóru 40 minuttir, var støðan 21-18 til Stjørnuna. Venjarin hjá Stjørnuni tók leikbrá, og eftir hetta kom VB ikki nærri leiðsluni hjá Stjørnuni. Tað sum eftir var av dystin, økti Stjørnan støðugt um leiðsluna, soleiðis at dysturin endaði við einum uppibornum 35-24 sigri.

Samanumtikið kann sigast um dystsin, at spælið hjá Stjørnuni var betur skipað, og vísti Stjørnan seg at hava meira orku enn mótstøðuliðið.

Málini hjá Stjørnuni skutu: Iulia Nalviko 8, Jancy H. Poulsen 6, Joan Sørensen 6, Durita K. Ljósstein 6, Julia J. Lydersen 4, Paula á Lakjun 2, Hanna Brandal 1, Ella L. Samson 1 og Paula L. Joensen 1