Síðani Eysturoyartunnilin lat upp hava brúkararnir hjá SSL ikki merkt nógv til, at stytsta farleiðin millum landnyringsøkið og høvuðsstaðin er nógv stytt, tí tað hava bara verið túrar tíðliga um morgunin og so eftir arbeiðstíð. Nú verður hetta eitt sindur broytt til tað betra, boðar SSL frá í tíðindaskrivi. 

Gott bussamband millum hesi økini skuldi verið upplagt, eisini fyri at geva møguleikar fyri at seta bilin eftir og harvið m.a. betra um umhvørvið og geva minni slit á vegir og bilar. Í Klaksvíkar kommunu, Eysturkommunu og Tórshavnar kommunu koyra býarbussar, so tað gevur góðar møguleikar at brúka bussar víðari, tá ein kemur fram, um tað ikki eru gangifrástøða.

SSL skrivar:

Strandferðslan økir um túratalið á leið 401 millum Klaksvík og Tórshavn

Nú verður tað enn lættari at ferðast við bygdaleiðum millum Klaksvík og Tórshavn – og til og frá flogvøllinum.

Frá mánadegnum 1. desember verður túratalið á leið 401 økt gerandisdagar, við tveimum eyka tur/retur túrum. 

Umframt at túratalið er økt, verður eisini beinleiðis samband millum leið 401 og leið 300, ið koyrir millum Tórshavn og flogvøllin/Sørvág, soleiðis at tað verður enn lættari at sleppa til og frá flogvøllinum við bussi, til og úr Klaksvík.

Dagførda ferðaætlanin fyri leið 401 er fyribils galdandi fram til 1. mai 2026.

Sí nýggju ferðaætlanina her: