Har eru øgiligar rokeringar í Landsstýrinum fyri tíðina. Støðan er hin sama, sum tá tvey landsstýrisfólk úr Fólkaflokkinum trinu úr Landstýrinum og inn aftur í Løgtingið fyri at atkvøða á ein ávísan hátt í einum einstøkum máli. Tá var tað málið um sammøður, og hesa ferð er tað um fosturtøku.

Súsanna Bertholdsen hevur í dag sagt landsstýrissessin frá sær. Hetta tí at hon ynskir, at eitt løgtingsmál, sum verður viðgjørt seinnapartin í dag, samtykt við aðru viðgerð. Samstundis fer Djóni Nolsøe Joensen, sum áður hevur boðað frá, at hann er ímóti fosturtøku, aftur í Landsstýrið. Tí ber til at siga, at tey bæði Súsanna og Djóni hava gjørt eitt gerðabýti, har Djóni fær taburettina í Landsstýrinum aftur afturfyri, at Súsanna Bertholdsen fær fosturtøkumálið samtykt.  

Málið um fosturtøku er nummar 8 á tingfundinum, sum júst er byrjaður.