Frá gjøgnumbroti til altjóðapallin

Sum 19 ára gamal fekk Christopher sítt gjøgnumbrot í 2011 við debutlagnum Against All Odds, og árið eftir kom fyrsta fløgan Colours. Síðan tá hevur hann givið út fleiri fløgur og stórhitt, eitt nú Told You So (2014), Closer (2016), Under the Surface (2019), My Blood (2021) og nýggjastu útgávuna Fools Gold í 2025.

Hann hevur havt stóra eydnu við fleiri av sangunum, t.d. Twerk It Like Miley og I Won’t Let You Down – fleiri teirra hava ligið ovast á donsku og altjóða hittlistum.

Christopher er eisini vorðin fastur partur av altjóða tónleikapallinum við útseldum konsertum í USA, Suðuramerika, Evropa og Asia. Serliga í Japan, Kina, Filipsoyggjum og Suðurkorea er áhugin fyri honum vaksin nógv seinnu árini. Christopher hevur eisini samstarvað við tónleikarar sum Madcon og Bekuh Boom.

Sjónleikur og Netflix

Umframt tónleikin hevur Christopher eisini tikið fet inn á sjónleikaleiðina. Í 2022 spældi hann í filminum Toscana, og í 2023 hevði hann høvuðsleiklutin í Netflix-filminum A Beautiful Life, har tónleikur hansara eisini er ein týðandi partur. Hesir leiklutirnir hava verið við til at gera hann enn meira kendan á altjóðamarknaðinum.

Verulig altjóða poppstjørna

Við meira enn fýra milliardum stroymingum kring heimin hevur Christopher sanniliga staðfest seg sum eina veruliga altjóða poppstjørnu. Hann hevur merkisverd evni at sameina popp, R&B og nútímans ljóð í fangandi sangum og stórhittum.

Vit gleða okkum til eitt brak av einari poppveitslu, tá Christopher trínur á pall á Tórsfest 2026.

Skunda tær og keypa atgongumerki fyri bara kr. 895,- á www.ebillett.fo