Her í Klaksvík hava fólk staðið spyrjandi tí mentanarhúsið Varpið ikki hevur fingið stuðul eins og hini mentanarhúsini í Føroyum.

Mánadagin 15. desember spurdu vit Eyðgunn Samuelsen, forkvinnu í fíggjarnevndini um Varpið fekk tann stuðul tey høvdu søkt um, men Eyðgunn svaraði at ein samd fíggjarnevnd ynskti ikki at lata rakstrarstuðul.

Nógvur kritikkur var av samgonguni og á facebook harmaðust millum annað javnaðarfólk í Klaksvík øgiligt um støðuna. 

Vit vóru í løgtinginum mikudagin 17. desember og fingu orðið á Eyðgunn Samuelsen. Tá segði hon, at arbeitt varð við at finna eina loysn. 

Og til triðju viðgerð í gjárkvøldi var eitt broytingaruppskot har Varpið fekk 1 mió. krónur í íløgustuðuli. Málið varð samtykt. Talan er um eina eingangs-upphædd.

Broytingaruppskotið er undirskrivað av Eyðgunn Samuelsen, Bjarna Hammer, Dennis Holm, Hannu Jensen, Beinir Johannesen og Steffan Klein Poulsen løgtingsfólkum.