Av tí tað ikki er nóg mikið av plássi/játtan, so er vandi fyri, at børn á Argjum skulu út í eysturbýin í Havn at ganga í skúla, heldur enn á tí lokala skúlanum.

Í kvøld er skriv sent til miðlarnar, har mótmælt verður avgerðini hjá landsstýrinum, ið er undirskrivað av Heidi Lava Elgeirsdóttir.

Heidi er býráðslimur í Tórshavnar kommunu vegna Tjóðveldi, men ikki nokk við tí. Eisini er hon til dagligt skrivari hjá Tjóðveldinum, har uppgávan er at ráðgeva flokkinum.

Á Facebook síðuni “JA til pláss í 1.flokki her”, er eisini eitt hvassorðað skriv dagfest 21.desember 2025, har fíggjarnevndarlimir verða skýrdir fyri at ikki ynskja høvuðsstaðarbørnum væl, tí teirra lokalpolitisku áhugamál viga tyngri enn skúlagongdin hjá hesum børnum. Í fíggjarnevndini hevur Tjóðveldi eitt umboð, ið er Dennis Holm.

Í skrivandi stund fyriskipar hon so eitt mótmælistiltak, ið hevur til endamáls at mótmæla avgerðina hjá landsstýrinum.