Í gjár segði Magnus Powell, høvuðsvenjari, við Norðlýsið, at KÍ nærkast einum nýggjum álopsleikara. Portalurin hevur fingið upplýsingar um, hvør talan er um. Talan er um 29 ára gamla Erlend Hustad, ið er 1,94 metur høgur. Hann hevur farna kappingarár spælt við Raufoss í næstbestu norsku deildini. Har skoraði hann trý mál í yvir 900 minuttum í landskappingini. Sambært Transfermarkt er hann samanlagt skrásettur fyri 41 mál í 133 dystum í næstbestu norsku deildini. Hann hevur spælt 40 dystir í bestu norsku deildini og skorað eitt mál. Hetta var seinast afturi í 2022.