Longu undan síðstu umførunum í fjør var greitt, at Dávid B. Andreasen ikki fór at halda fram. Hann hevur skift til B36. Ahmed Latif hevur skift til B68, meðan Claes Kronberg er givin. Mest sannlíkt legst ein leikari afturat, sum er Mads Boe Mikkelsen. Hann hevur fingið bjóðað ein sáttmála frá KÍ, men hevur eitt ynski um at royna seg uttanlands og mest sannlíkt í Danmark. At hann ikki hevur skrivað undir nú liðið hevur vant í knapt tvær vikur bendur eisini á, at tað er størri møguleiki fyri at hann ikki skrivar undir við KÍ.

Inn í KÍ-hópin er Jákup N. Vilhelmsen kom frá B68, har hann var útleigaður. Sum skilst verður hann í KÍ fram til í summar í fyrsta lagi, men hansara støða verður tengd at, hvussu verður við spælitíð. Afturat Jákup skulu vit vænta, at KÍ fær tríggjar nýggjar álopskendar leikarar, um Mads ikki heldur fram. KÍ fer á venjingarlegu 22. januar og áðreen tað kann væmtast, at onkur nýggjur leikari verður kunngjørdur.