Tað hevur ljóðað í vetur, at Jóannes Bjartalíð helst fór at spæla í onkrum landi langt burturi, har lond sum Azerbadjan, Kasakhstan og Thailand hava verið nevnd. Sambært góðum keldum, so nærkast nú ein sáttmáli og helst verður hann kunngjørdur í hesi vikuni.

Skulu vit gita, so verður tað í Kasakhstan, at 29 ára gamli landsliðsleikarin fer at spæla. Vit kunnu til stuttleikar nevna, at ein fyrrverandi KÍ-leikari er venjari í bestu deildini í Kasakhstan. Tað er serbin Milic Curcic, sum er høvuðsvenjari hjá Qyzyljar. Í 2023 vann hann steypakappingina við Tobol Kostanay í somu deild. Tó sigur søgan einki um, hvat lið Jóannes fer at spæla fyri.