Kunning um parkeringsviðurskifti við Klaksvíkar Sjúkrahús
Klaksvíkar Sjúkrahús vil gera vart við, at parkering við høvuðsinngongdina og á parkeringsøkinum beint omanfyri høvuðsdyrnar er ætlað teimum, ið hava ørindi á sjúkrahúsinum, umframt teimum, ið vitja búfólk í Uppi- og Niðristovu
Hesi parkeringspláss eru tíðaravmarkað til í mesta lagi tveir tímar.
Er trupult at finna parkeringspláss á hesum økjum, verður víst á parkeringsmøguleikan niðanfyri Klaksvíksvegin við Rúsuna, har parkering er óavmarkað.
Parkeringin beint undir Gomlu Læknahúsini er bert ætlað sjúkrabilum og flutningsbilum hjá sjúkrahúsinum. Hetta merkir, at bert bilar, ið eru uppmerktir við búmerki hjá sjúkrahúsinum, hava loyvi at parkera har.
Í sambandi við byggiarbeiðið norðanfyri sjúkrahúsið er brekkan stongd bæði fyri bilferðslu og gonguferðslu.
Tekningin her vísir:
- hvar høvuðsinngongdin er,
- hvar parkering er loyvd og ikki loyvd,
- og hvussu gangast kann frá Víkavegnum til inngongdina omaneftir.