Eftir at hava vant við monnunum í vár, hevur 16.ára gamli John Ziska Joensen tikið av tilboðnum at koma í manstruppin. Í fjør leikti John Ziska í ungdómsdeildini og er í seinnu hálvu skrásettur við sjey dystum í 1.deild.

- Hetta er ein stórur dagur hjá mær, hetta er tað eg havi droymt um, at eg einaferð fór at sleppa at venja og kanska spæla við besta liðnum hjá KÍ. Eg vil takka venjaratoyminum og øllum leikarum, fyri at hava tikið so væl ímóti mær. Her eru tær bestu umstøðurnar hjá mær at menna meg sum leikara og tað gleði eg meg til, eg fari at gera mítt allar besta.

- John er ein sera gávuríkur ungur leikari, sum er uppaldur í KÍ, sigur Magnus Powell. Hann hevur nakrar ógvuliga spennadi eginleikarar. Sera góða fata av spælinum. Hann hevur veruliga tikið av møguleikanum, nú hesa stuttu tíðina, hann hevur vant við okkum og hevur sanniliga uppiborið sáttmálan. Tað verður spennandi at fylgjan John Ziska á besta mansliðnum. Saman við John Ziska vóna vit hetta verður byrjanin upp á eina glæsiliga KÍ-karrieru.