Jórun Frimannsdóttir Jacobsen & Jórun Biskopstø vunnu flotta heiðurin sum ársins ítróttaeldsál til Ítróttafagnaðin 2025 í Varpinum í gjárkvøldi. 

Í 30 ár hava tær báðar, Jórun og Jórun, við sínum ótroyttiliga stuðlandi arbeiði verið hjartaslátturin í KÍ. Teirra stríð hevur tryggjað at leikarar, venjarar og øll. rundan um KÍ hava kent seg væl og lætt teimum um dagin og venjingarnar. Venjingarklæðir og dystarklæðir hjá kvinnum, monnum og 1. deild vaskaði, turkaði og løgd uppá pláss hvønn dag í vikuni. Til hvønn heimadyst hava tær baka kakur til frásøgufólk, dómarar, vaktarfólk og innkrevjarar. Sjálvbodnar hava tær skapt karmar um eitt heilt ættarlið av KÍ leikarum frá fyrstu fótbótlsfetunum til hægstu tindar. 

Tað var Karl Johansen, borgarstjóri í Klaksvíkar kommunu, sum handaði teimum báðum eldsálunum vakra heiðurin. 

Hjartaliga til lukku Jórun & Jórun!