– ”Eg væntaði at samgongan fór at klára skerini, men so valdi hann [løgmaður, blðm.], at tunnilsmálið kom ígjøgnum og útskrivaði so val, áðrenn pensjónsmálið kom fyri. Tað var ikki heilt óvæntað, men onkuntíð helt eg, at tey fóru at samtykkja pensjónsmálið eisini”, sigur Elsebeth M. Gunnleygsdóttur. Um komandi valdystin sigur hon:

– ”Eg eri heilt klár til valstríðið. Eg havi næstan verið klár í fleiri ár, og eg fari at dríva á, eins og eg altíð geri, og eg vóni, at fólk bæði fara at bakka meg upp og at bakka upp um Fólkaflokkin. Øll vita, at eg brenni fyri tí sosiala og oljuleiting – tað skal vera undarligt, um øll ikki vita tað – tí eg trúgvi á, at oljuleiting kann gerast eitt eyka bein, eitt gullbein, at standa á”, sigur Elsebeth Mercedis Gunnleygsdóttur, sum nú brynjar seg út til valstríð.