Norðlýsið frætti fyrr í dag, at Kringvarpið ikki fór at senda frá almennum valfundum kring landið í sjónvarpinum. Hesir fundir hava verið afturvendandi á valum higartil. 

Vit vendu okkum til Katrin Petersen, sum er leiðari á Aktueltdeildini í Kringvarprinum at frætta nærri.

Tað er ein grund til at vit gevast við hasum konseptinum, tað riggar ikki. Vit kunnu ikki blíva við at gera tað sama og sama. Seinast sóðu vit hálvtómar salir og so má man gera okkurt annað, sigur Katrin. 

Kringvarpið fer tó at senda uttan fyri Tórshavn. 

Vit fara at gera sjónvarpssendingar úti kring landið við veljarum har tey koma til orðanna, sigur Katrin Petersen

Kári Sólstein og Tróndur Vatnhamar fara eisini at koyra runt í landinum og gera innsløg við veljarum, upplýsir Katrin Petersen fyri Norðlýsinum at enda.