Opin pallur fyri børn er eitt afturvendandi tiltak sum byrjaði í 2025. Tað eru songkvinnurnar Asta Højgaard og Birita Adela sum eru vertir. Tiltakið byrjar altíð við einari serligari framførslu, og í dag verður tað kórið BARNAGOSPEL úr Fuglafirði sum opnar pallin. 

Síðani er frítt hjá børnum at trína fram við sangi, dansi, skemti, søgum, yrkingum, ljóðførum o.ø., og afturfyri framførsluna fáa børnini vaflu og saft.

Sum nakað nýtt verður nú eisini skipað fyri opnum palli fyri vaksin, og eru tað tær báðar Asta og Birita, umframt Pætur Gerðalíð og Eyðun Ranason Nolsøe sum standa fyri. 

Unga stjørnuskotið Anna Lovisa Mýri, sum vit kenna so væl úr sendingini Hoydalar opnar pallin við tveimum løgum. Síðani er somuleiðis frítt at trína fram, og longu hava fleiri víst áhuga. 

OPIN PALLUR - fyri børn er frá kl. 17-19

OPIN PALLUR - fyri vaksin er frá kl. 20-22

Tiltakið er alment og ókeypis, og tað ber sjálvsagt eisini væl til bara at lurta.