Eitt av teimum størstu stigunum á hesi leiðini var, tá Almannalógin varð samtykt í 2021.

Við lógini vórðu fleiri tænastur lógarfestar, og ein greið rættindahugsan varð staðfest. Borgarin skal takast upp á ráð, hava sjálvsavgerðarrætt, og hjálp skal veitast skjótt og eftir tørvi.

Hetta var eitt stórt og neyðugt framstig.

Men hóast lógin varð samtykt, so fylgdu neyðugu fíggjarligu karmarnir ikki við. Tað merkir, at vit framvegis eru efturbátar, og at nógv fólk ikki fáa ta hjálp, sum lógin í veruleikanum gevur teimum rætt til.

Hetta má broytast.

Vit mugu taka næsta stig og tryggja, at Almannalógin eisini verður fíggjað. Tað krevur politiskan vilja og breiða semju um at seta neyðuga peningin av.

Tað snýr seg um nógv meira enn pengar. Tað snýr seg um menniskju, lívsgóðsku og rættin til at luttaka í samfelagnum.

Tá vit fíggja góðar og tíðarhóskandi tænastur á almannaøkinum, gera vit samstundis eina íløgu í eitt sterkari og meira haldbært samfelag.

Almannalógin var eitt stórt stig framá. Nú er tíðin komin at tryggja, at hon eisini virkar í verki.

Eyðgunn Samuelsen