Komandi mánaðirnar vitjar Unga Tjóðveldið øll tey gomlu valdømini undir heitinum “Unga Tjóðveldið kring Føroyar”. Vit byrja í Klaksvík mikudagin 28. oktober. Fundurin er almennur og verður samskipaður við Norðoyar Tjóðveldisfelag.
Komandi mánaðirnar vitjar Unga Tjóðveldið øll tey gomlu valdømini undir heitinum “Unga Tjóðveldið kring Føroyar”. Vit byrja í Klaksvík mikudagin 28. oktober. Fundurin er almennur og verður samskipaður við Norðoyar Tjóðveldisfelag.
Tað skrivar Unga Tjóðveldi í tíðindaskrivi, og ljóðar tað soleiðis:
Fundurin byrjar við, at Jóhann Lützen, býráðslimur fyri Tjóðveldi í Klaksvíkar kommunu, leggur fram um arbeiði hjá býráðssamgonguni millum Tjóðveldi, Sjálvstýrisflokkin og Javnaðarflokkin.
Síðani leggur Óluva Klettskarð, løgtingskvinna, fram um øktu ferðavinnuna í Føroyum við serligum atliti at Norðoyggjum og hvussu vit gagnnýta hetta fyri fólk og vinnu á ein burðardyggan hátt.
At enda ber Maria Kristina Smith, sum er nevndarlimur í Norðoya Unga Tjóðveldið, fram røðu.
Fundurin byrjar kl. 19.00 og verður hildin í hugnaligu hølunum í Miðstovu í Leikalund.
Øll eru hjartaliga vælkomin!
Unga Tjóðveldið & Norðoya Tjóðveldisfelag
