Á ársaðalfundi hjá Klaksvíkar Ítróttarfelag hóskvøldið var Torleif Sigurðsson valdur til nýggjan formann í felagnum
Torleif Sigurðsson hevur ikki áður verið virkin í nevndararbeiði í KÍ, men er serliga kendur fyri at hava verið formaður í FSF í meira enn 20 ár.
Torleif segði á aðalfundinum hjá KÍ, at hann vil arbeiða fyri at fáa KÍ at virka sum eina sterka og væl samansjóðaða eind.
Hinir nevndarlimirnir vórðu afturvaldir, og nevndin í KÍ er tí mannað soleiðis: Torleif Sigurðsson (formaður), Nichels Lutzen (næstformaður), John William Joensen, ábyrgdarfólk fyri samskifti, Guttorm Sørensen, ábyrgdarfólk fyri fíggjarmál og Kristoffur Ragnarsson, ábyrgdarfólk fyri hondbólt.
