Í kvøld kl. 20:00 verður forvitnisligur sjónleikur framførdur í Skúlanum við Ósánna.
Tað er Marita Dalsgaard, ið spælir høvðusleiklutin sum Marie Grubbe í leikinum Marie- en lidenskabelig historie.
Føroyski sjónleikarin Marita Dalsgaard spælir høvdsuleiklutin Marie Grubbe í sjónleikinum Marie- en lidenskabelig historie, sum í næstum vitjar í Nordurlandahúsinum og í Klaksík. Við í leikinum eru eisini Stanislav Sevcik m.a. kendur úr filminum “De grønne bude” og Peter Zhelder, hvørs rødd hvørt mannsbarn í Føroyum mann kenna frá teknifilmum.
Leikurin hevur í fjørð spælt um alt Danmark, og er so vælumtóktur, at hann í ár er tikin upp aftur, og tað er í hesum sambandi, at tað hevur eyðnast Norðurlandahúsinum at fáa tríggjar sýningar í Føroyum.
Í donsku fjølmiðlunum vóru ummælini av leikinum einastandandi góð.
Randi K. Pedersen, Børneteateravisen skrivar undir yvirskriftini Glødende historieskrivning m.a:
“Sikke et liv sikke en kærlighed! Men ingen ’Marie’ uden en overbevisende god skuespiller i den hundesvære rolle som Marie Grubbe.
Det er hende, der skal sandsynliggøre, hvordan Marie gennem et halvt århundrede fastholdt sin glødende sanselige tiltrækningskraft og selvsikre identitet. Hende, der skal give den spændende drønkulørte, historiske beretning om en adelsfrøkens opstigning og fald, dramatisk liv og troværdighed. Det kan Marita Dalsgaard …”
Í Jyllandsposten skrivar Henrik Lyding m.a.
“I Solveig Weinkouffs lydhøre og meddigtende iscenesættelse….Fint skildrer den sammenstødet melle fornuft og stive samfundsnormer, men Marita Dalsgaar i overbevisende vekselspil mellem frodig passion og kontant afregning overfor Stanislav Sevciks søde og ungdommeligt forfjamskede Holberg…”
Hugtakandi kvinnulagna
Marie Grubbe var ein kvinna, hvørs lagna, síðani hon í 1643 var fødd við eini gullskeið í munninum og í 1718 var jarðað í einum posa, hevur hugtikið ein hóp av rithøvundum. M.a. Blicher, I.P. Jacobsen, H.C. Andersen og Ludvig Holberg. Ludvig Holberg hitti sum ungur, ta gomlu Marie Grubbe.
Tad er hesin fundur millum Marie og Holberg, leikrithøvundurin Lærke Sanderhoff tekur støði í, í leikinum Marie-en lidenskabelig historie. Marie er gomul og einsamøll, tá ið Holberg kemur at vitja hana, fyri at fáa hana til at siga sær frá síni lagnu. Marie tekur Holberg gjøgnum eitt touré de force av eini langnusøgu. Trý hjúnarløg, tað fyrsta við einum kongasoni og tað seinasta við einum fátækum húskalli.
Ein søga um hvønn kostnað tað kann hava at velja kærleikan og fríheitina, og kanska serliga hvønn kostnað tað kann hava ikki at gera tað.
Leikurin verður spældur í kvøld kl. 20.00 í Skúlanum við Ósánna. Leikurin varðar umleið 75 min.
