Á skránni fyri Torradagarnar standa trý ymsisk tiltøk í dag.
Klokkan 16 til 21 verður framsýning av næmingaarbeiði og opið hús á Húsarhaldsskúlanum. Har verður mótasýning og til ber at royna góðan mat, og annað leskiligt, sum tey læra at gera á skúlanum.
Klokkan 19:30 verða tvey tiltøk á skránni. Á bókasavninum verður bindiskeið, har Sára Mrdalo frá Navia fer at geva frálæru í at binda fimm ymsar bindihættir:
- Holsokkamynstur
- Hálvpatent
- Blørður
- Rossaber
- og Snar
Tey ið ynskja at luttaka á bindiskeiðnum skulu hava við: 5 stokkar umleið nummar 5, hóskandi tógv og ein eyka stokk til snarbinding
Triðja tiltakið er somuleiðis klokkan 19:30. Tá fer Líggjas í Bø at hugleiða um ”Klaksvíksstríðið”. Tað verður í Miðhøllini á Skúlatrøð.
