Kl 0950 í morgun fekk MRCC Torshavn boð frá reiðaríðnum Thor í Hósvík, at ein maður umborð á Túgvusteini hevði fingi álvarsligt beinbrot, og tí mátti fáast í land sum skjótast.
Bjargingartyrlan hjá Atlantic Helicopters bleiv boðsend og biðin um at taka mannin av. Skipið var til fiskiskap suður av Føroya Banka, og tók tað um 1 tíma at flúgva út á skipið.
Um 12 tíðina hevði tyrlu-manningin fingið mannin av skipinum, og setti kósina móti landi. Sjúklingurin bleiv handaður landssjúkrahúsinum til víðari viðgerð kl 1250.
MRCC Torshavn / 181200
