6. juni 2007 klokkan 17.00
á Ruczhdi Bizhuta Stadion í býnum Elbasan í Albania.
Hagtøl:
U21 Albania – U21 Føroyar 1-0 (0-0)
Áskoðaratal uml. 800
Mál:
1-0 67. min Elis Bakaj (Nr. 11) brotspark
Gul kort:
21. min Rigest Hysko (Albania Nr. 6)
55. min Elis Bakaj (Albania Nr. 11)
66. min Poul Thomas Dam (Føroyar Nr. 5)
Dómarabólkurin kom frá Kypern.:
Dómari var Stelius Trifonos, hjálpardómarar vóru Athinodoros Iannola, Andreas Laoutaris og Panagiotis Gerasimon var fjórði fjórði dómari.
Føroyar:
Spæliskipan: 4:5:1
Málmaður: Gunnar Nielsen (1)
Verja: Jónas Tór Næs (2), Jóhan T Davidsen (4), Poul Thomas Dam (5) og Einar Hansen (3)
Miðja: Kristoffur Jakobsen (17), Pætur Jørgensen (15), Emil N Leifsson (9), Jóhan V Gunnarsson (7) og Bogi Løkin (8)
Framherji: Jón Krosslá Poulsen (11)
Útskiftingar:
64. min Jón K Poulsen (11) út / Magnus Olsen (14) inn
80. min Jóhan Gunnarsson (7) út / Sigmund Jacobsen (13) inn
86. min Pætur Jørgensen (15) út / Sølvi Vatnhamar (10)
Á bonkinum uttan at koma inn vóru: Símun Rógvi Hansen (Málmaður 16), Levi Hanssen (6), Fritleif í Lambanum (12), Thomas Hans Rubeksen (18) inn
Venjarapar: Heðin Askham og Bill Mc. Leod Jacobsen
Albania:
Spæliskipan: 4:4:2
Málmaður: Sajmir Ujkhni (12)
Verja: Erbim Fago (16), Andi Lila, liðførari (6), Mariglen Shosha (13) og Renato Arapi (3)
Miðja: Gilman Lika (7), Jetmir Sefa (8), Gerhard Progni (14) og Jahmir Hyka (15)
Framherjar: Elis Bakaj (11) og Xhevahir Sukaj (9)
Útskiftingar:
46. min Erbim Fago (16) út / Vangjel Mile (20) inn
46. min Xhevahir Sukaj (9) út / Xhulian Rrudho (18) inn
93. min Elis Bakaj (11) út / Emilian Vila (17) inn
Á bonkinum uttan at koma inn vóru: Enea Kolici (málverji, 1), Bledjon Guga (2), Rigest Hysko (5), Alsidi Tafili (21)
Venjari: Artan Bushati
Frágreiðing:
Á pappírinum skuldi Albania verið eitt nógv lættari mótstøðulið enn Kroatia sum vit leiktu 2-0 ímóti leygardagin, men hetta skuldi als ikki verða nøkur løtt uppgáva fyri okkara menn.
Albanar taptu 4-0 á útivølli móti Italia leygardagin og tóktist tað sum hetta skuldi vaskast av aftur beinanvegin – og skuldu teir hava stig, so skuldi tað verða móti Føroyum á heimavølli.
Okkara leikarar komu í satt óðnarveður frá fyrsta bríksli og var tað serliga høga trýstið og góða vongspælið sum nervaði føroyingar. Innlegg oman á innlegg skolaðu framman fyri málið hjá føroyingum, men verjan og ein sera væl upplagdur Gunnar Nielsen vóru veruligir brandar, í hesum álopum.
Tað var fyri tað mesta Albania sum spældi bólt, meðan vit royndu at verja og spæla so frætt sum vit nú einaferð sluppu. Hagtølini frá dystinum greiða soleiðis frá:
Albania
Skot á mál: 8
Skot uttanfyri mál: 19
Innlegg: 21
Føroyar
Skot á mál: 3
Skot uttanfyri mál: 0
Innlegg: 0
Vit royndu at spæla, men megnaðu sjálvdan at spæla okkum ígjøgnum til verulig álop. Tó kom Emil N Leivsson at standa púra fríður umleið 6-7 m frá málinum 2 ferð, men misnýtti í báðum førum. Jónas Tór Næs hevði eisini góða frísparksroynd uppi í trýkantinum, men málverjin var og vippaði bóltin uppum. Eisini Jón Krosslá Poulsen var um at, koma í góða støðu, tá ið hann við høgari ferð kom, í ein móti einum støðu einsamallur, men bleiv taklaður í evstu løtu, áðrenn hann fekk skot á úr 10 metrum…
Mest umtalaða støðan í dystinum var í 67. minutti, tá ið sera kviki og sterki driblarin Jahmir Hyka (15) datt í føroyska brotsteiginum. Kypriotiski dómarin, sum annars kom sera væl frá uppgávuni, ivaðist ikki og peikaði á brotsparksplettin. Eingin skilti nakað av nøkrum, maðurin rann á ein føroying, men brotspark til Albania, rumbul í Elbasan og kundi ein sera vælleikandi Gunnar Nielsen heinta bóltin úr meskunum, sjálvt um hann hevði valt rætta síðu. 1-0 til vertirnar.
Eftir hetta bleiv høga trýstið frá Albanum burtur, og slapp føroyska liðið nú at spæla fótbólt. Gott spæl – uttan at tað tó bleiv til so nógvar málmøguleikar.
Seinastu 15 minuttirnar vóru vit fleiri ferð við at javna, tá ið bæði Einar Hansen og Jóhan Davidsen vóru ivrigir gestir í málteiginum hjá albanum.
Hetta seina føroyska trystið gav okkum 3 hornaspørk, men einki kom burtur úr. Hóast at hava verið í sonnum óðnarveðri, so vóru føroysku leikararnir sera vónbrotnir eftir dystin. Eitt óvanliga bíligt brotspark og ein sera góður arbeiðsinnsatsur kundu havt givið okkum eitt enn betri úrslit. Albanar vunnu í hesum næsta U21 landsdysti okkara 1-0, Elis Bakaj (Nr. 11) skoraði einasta málið í dystinum uppá brotsspark.
