Fríggjakvøldið 20. juni fingu 6 venjarar handa prógv í nýggja FSF-húsinum í Tórshavn. Skeiðið, ið teir nú eru lidnir við, kallast FSF-slóðarin, og er tað fyrsta av sínum slag í Føroyum.
Skeiðs-leiðararnir hava verði teir báðir Hans Mouritz Foldbo og Petur Simonsen, ið báðir eru góðkendir instruktørar/vegleiðarar, frá DBU.
FSF-slóðarin er seinasti parturin av fleiri skeiðum og gevur nú venjarunum heiti, sum UEFA B venjarar.
Venjararnir hava síðan apríl mánað, luttikið á skeiðum og hava havt eygleiðarar at hugt at, venjingum og dystum, umframt at venjararnir hava gjørt aðrar uppgávur, ið hava verði tengdar at liðnum teir venja, og av einstøkum leikarum á liðnum.
Teir venjarar ið nú kunnu kalla seg UEFA B góðkendir venjarar eru:
Bill Mc. Leod Jacobsen KÍ
Finn Johannessen KÍ
Bogi Lervig LÍF
Abraham Løkin NSÍ
Pætur Clementsen HB
Páll F. Joensen FSV
