Flogbóltur, Keypmannahavn: Amager VK við føroyskari umboðan er nú tætt uppflyting í bestu donsku flogbóltsdeildina. Í dag vunnu tær 3-0 á heimavølli ímóti Gentofte í fyrstu finaluni teirra millum.
Flogbóltur, Keypmannahavn: Amager VK við føroyskari umboðan er nú tætt uppflyting í bestu donsku flogbóltsdeildina. Í dag vunnu tær 3-0 á heimavølli ímóti Gentofte í fyrstu finaluni teirra millum.
Settúrslitini í dagsins dysti vóru 25-14, 25-20 og 32-30.
Og sum skilst og sum skiljandi er, var triðja og seinasta settið sera spennandi. Hvørgan av liðunum vildi geva seg og tíanbetur fyri tær úr AVK fall settið í teirra fyrimun.
Undirritaði var ikki á staðnum, men sum settúrslitini vísa, gjørdist dysturin tættari og tættari sum frá leið. Og triðja sett varð hæddarpunktið í dystinum.
Vinna tær úr AVK tað næstu finaluna ímóti Gentofte, er besta danska flogbóltsdeildin ein veruleiki.
Gentofte endaði í ár á aftasta plássi í Elituni, sum er besta deildin. Vinnarin av 1. deild, AVK, fekk tískil Gentofte sum mótstøðulið at dystast um pláss í Elituni.
LES EISINI:
UPPFLYTING Í BESTU DEILDINA NÆRKAST
EINA, SOFÍA OG BIRGIT HAVA VUNNIÐ DEILDINA GREITT
NÚ ÆTLA TÆR FØROYSKU AT SPÆLA Í BESTU DONSKU FLOGBÓLTSDEILDINI
