KÍ kvinnurnar spæla á heimavølli móti B36 í kvøld.
Tey flestu sita nokk bara og bíða eftir seinasta umfarinum leygardegnum 7. oktober, tá EB/Streymur/Skála tekur ímóti KÍ í Hólmanum á Eiði. Tá verður føroyameistaraheitið helst avgjørt, um ikki okkurt heilt óvæntað hendur áðrenn. KÍ hevur tveir heimadystir móti báðum havnarliðunum áðrenn, meðan EB/Streymur/Skála skal spæla á útivølli móti ÍF/Víkingi. Vinnur KÍ, so tekur KÍ oddasessin, 1 stig frammanfyri EB/Streym/Skála.
Í kvøld spælir KÍ sín næstseinasta heimadyst, tá B36 vitjar. Dysturin byrjar kl. 19.15.
