Býurin og bøurin eru til reiðar at leggja gras til Føroya størsta tónleikatiltak, og aftur í ár gleða vit okkum at taka væl ímóti øllum – stórum sum smáum, heimsstjørnum sum trúføstum festivalgestum
Býurin og bøurin eru til reiðar at leggja gras til Føroya størsta tónleikatiltak, og aftur í ár gleða vit okkum at taka væl ímóti øllum – stórum sum smáum, heimsstjørnum sum trúføstum festivalgestum
Eitt er, at hittini hittast á Summarfestivalinum, men umframt at geva okkum fantastiskar og forkunnugar konsertupplivingar, er Summarfestivalurin eisini eitt gott høvi at gera vakran enda á hægstu summartíðini, sum bjóðar okkum tiltøk í hópatali.
Hóast Summarfestivalurin hevur nógv ár á baki, hava fyriskipararnir við hepnari hond megnað at syrgt fyri, at tiltakið framhaldandi er í menning, og tað eiga teir stóra og hjartaliga tøkk fyri. Í ár er enn eitt stórt fet tikið við nýggja tiltakinum Summarvika. Skráin til Summarvikuna hevur verið eins fjølbroytt og spennandi sum sjálv festivalskráin, og sjálvur havi eg notið hendan nýggja og stuttliga partin av festivalinum, sum vónandi er komin fyri at vera.
Tað er mín vón, at vit øll minnast til at ansa eftir okkum sjálvum og hvørjum øðrum, at vit fáa enn ein fantastiska góðan festival.
Hjartaliga vælkomin til Klaksvíkar á Summarfestival.
