skal setast í verk beinan vegin
Tíðindaskriv
Tjóðveldisflokkurin hevur skotið upp, at vakstraravtalan fyri Suðuroynna verður sett í verk beinanvegin og fíggja yvir fíggjarlógirnar 2008-2012.
Hóast ferðin á búskapinum eisini merkist í Suðuroynni, so bøtir hetta tó ikki um tann veruleikan, at oyggin hevur álvarsligar vinnuligar og demografiskar trupulleikar at dragast við.
Tá ein heil familju flytur av oynni hvønn mánaða er tað í tøkum tíma, at ítøkilig stig verða tikin til at bøta um henda trupulleika, skal ikki hendan meginoyggiin gerast ein skuggi av sær sjálvari.
Oyggin er í eini óndari ringrás, og stórur tørvur er á fjøltáttaðum tilboðum til allar hendur.
Frástøðan er ein partur av trupulleikunum, marknaðurin er avmarkaður, og strong fíggjarlig krøv verða sett til vinnulig framtøk.
Suðuroyggin er ikki í løtuni í eini kreppustøðu, men bygnaðarligu trupulleikarnir liggja óloystir, og stórt tal av yngra fókinum flytur burtur.
Vakstraravtalan, sum allar kommunurnar í oynni fyri langari tið síðan hava givið tisøgn til, liggur framvegis á láni, og tað ber ikki til longur.
Vit halda tað tí vera eina avbjóðing fyri løgtingið at fáa Suðroynna innaftur í samfelagsmeldurin á jøvnum føti við restina av landinum, og mæla tí løgtinginum til at vera við til at fíggja vastraravtaluna.
Hergeir Nielsen
