Á býráðsfundinum týskvøldið 29. januar 2013 valdi Klaksvíkar Býráð Kristian Eli Zachariasen sum umboð í Vinnuliga útbúgvingargrunnin.
Á býráðsfundinum týskvøldið 29. januar 2013 valdi Klaksvíkar Býráð Kristian Eli Zachariasen sum umboð í Vinnuliga útbúgvingargrunnin.
Umframt Kristian Eli skulu tveir aðrir limirveljast í nevndina. Teir skulu veljast av stjóranum fyri Tekniska Skúla í Klaksvík (umboðandi Sjónám) og av stjóranum fyri Vinnuháskúlan.
Endamálið við grunninum er at stuðla borgarum í Klaksvíkar Kommunu, sum ætla undir – ella eru undir – útbúgving innan fiski-, skipa- og frálandavinnu.
Eisini kann stuðul latast til serligar nýskapandi verkætlanir, har ið nevndin metir tað vera ráðiligt.
Klaksvíkar Kommuna hevur sett 200.000 kr í grunnin sum stovnsfæ og miðar eftir at lata ein árligan stuðul á í minsta lagi 200.000 kr.
Stuðulsreglur fyri grunnin eru fylgjandi:
a) Umsøkjarin er borgari í Klaksvíkar Kommunu
b) Útbúgvingin umboðar vinnuliga nýhugsan innan fiski-, skipa- ella frálandavinnu.
c) At útbúgvingin væntandi kann verða við til at lyfta fiski-, skipa- ella frálandavinnu í Klaksvík á eitt hægri støði
