Vinnumálaráðið biður ríkismyndugleikarnar um at seta skipanina um arbeiðsmegi úr ES londum í gildi aftur

Skipanin ger, at útlendingar úr ES londum, sum hava eitt arbeiðstilboð frá einum arbeiðsgevara í Føroyum upp á í minsta lagi 30 tímar um vikuna, sambært vanligari sáttmálaløn á føroyska arbeiðsmarknaðinum fyri slíkt arbeiði, kunnu fáa uppihaldsloyvi í Føroyum, um so er, at arbeiðsloysið er undir 3,5%.

Skipanin er tann sama, sum var galdandi í tíðarskeiðinum 1. juni 2008 til tann 27. november 2009.

Sambært Hagstovuni er almenna árstíðarjavnaða arbeiðsloysið 3,4%.

Vinnumálaráðið hevur tí biðið ríkismyndugleikarnar um at seta skipanina í gildi aftur.