Tilboðini um arbeiðstøku í samband við nýggja vinnuøkið á Borðoyarvík vórðu latin upp í dag.
Í kappingini um arbeiðstøkuna vigaði prísurin 80%, meðan tíðarætlanin vigaði 20%, og millum tey trý innkomnu tilboðini átti J&K Petersen munandi lægri prís enn hinar báðar fyritøkurnar, Kanjon og Articon.
Tilboðini vóru hesi:
1. J&K Petersen: kr. 24.211.447,-
2. Articon: kr. 41.568.684,-
3. Kanjon: kr. 44.181.885,-
Allir prísirnir eru uttan MVG.
Nýggja vinnuøkið er staðsett sunnanfyri bátahylin á Borðoyarvík, og verður á leið 40.000 fermetrar til støddar. Á økinum verður útstykkjað til vinnuligt virksemi, og harumframt verða kringumstøðurnar og atkomuviðurskiftini gjørd góð og nútíðarhóskandi, eins og økið rundanum bátahylin verður snøggað við eitt nú betri ljósviðurskiftum.
