Jan Højgaard, formaður í Føroya Fiskimannafelag sigur, at felagið kunnaði landsstýrismannin í fiskivinnumálum um, at veiðiloyvi hjá línuskipinum Helenu varð flutt til uppisjóvarskipið Slættaberg longu í oktobermánaða í fjør.
Jan Højgaard, formaður í Føroya Fiskimannafelag sigur, at felagið kunnaði landsstýrismannin í fiskivinnumálum um, at veiðiloyvi hjá línuskipinum Helenu varð flutt til uppisjóvarskipið Slættaberg longu í oktobermánaða í fjør.
– Í samband við eina ósemju millum reiðaran hjá Slættabergi, Hanus Hansen og okkum, vóru vit komin hartil, at vit ætlaðu at seta tiltøk í verk. Í hesum sambandi høvdu vit landsstýrismannin á fundi við okkum í oktober 2016, her í hølunum hjá Fiskimannafelagnum á Bryggjubakka. Har kunnaðu vit hann um at veiðuloyvi var flutt frá línuskipinum Helenu til uppisjóvarskipið Slættaberg. Og eisini bleiv landsstýrismaðurin kunnaður um hetta á fundi tá felagið legði fram uppskot um nýskipan av fiskivinnuni.
– Kunningin varð gjørd munnliga, og tað er eingin ivi fyri mær at landsstýrismaðurin hoyrdi og skilti tað sum sagt varð, sigur Jan Højgaard, formaður í Fiskimannafelagnum.
