Vit mistu FM í endaspurtinum

– Vit vóru ikki favorittar í ár, men vóru satt at siga óhepnir ikki at vinna FM-heitið, sigur Tummas Martin Sólsker, og nakað er um tað, tí tá bert 3 umfør restaðu av liðkappingini í 1. deild, lá Klaksvíkar Talvfelag á odda.

– Vit vóru ikki favorittar í ár, men vóru satt at siga óhepnir ikki at vinna FM-heitið, sigur Tummas Martin Sólsker, og nakað er um tað, tí tá bert 3 umfør restaðu av liðkappingini í 1. deild, lá Klaksvíkar Talvfelag á odda.

Liðkappingin í talvi 2012/13 er júst lokin, og gjørdist hetta eitt bæði gott og minni gott kappingarár, heldur ein av trúføstu telvarunum í felagnum, Tummas Martin Sólsker, sum eisini er ein av venjarunum.

– Eitt sindur løgin kensla, haldi eg. Vit mistu FM í endaspurtinum, men hinvegin vístu vit at vit klára at hava tvey lid í bestu deildini og bjóda av í toppinum.

– Vit vóru ikki favorittar í ár, men vóru satt at siga óhepnir ikki at vinna FM-heitid. Hugsi serliga um 4-0 tapid í tridsídsta umfari, sigur Tummas Martin, sum her sipar til útidystin ímóti Sandavágs Talvfelag, sum seinni vann FM-heitið.

– Har stóðu vit enntá til at vinna dystin, men endaðu kortini við at tapa 0-4. Slíkt er nærum óhoyrt úrslit í einum toppdysti.

Sum tað framgongur av yvirlitinum omanfyri, var tað ein góð blanding av royndum telvarum, sum mannaði 1. lið hjá Klaksvíkar Talvfelag í júst loknu liðkappingini. Og sum tað eisini framgongur, var úrtøkan rættiliga góð hjá hvørjum einstøkum av teim um.

Ólavur Simonsen luttók í øllum 10 umførunum, og Terji Petersen var við í 9 umførum, so hann forsømdi bert tann eina dystin.

Klaksvíkar Talvfelag

eigur nógvar stuðlar

Tað mest gleðiliga í farna kappingarári er uttan iva, at Klaksvíkar Talvfelag enn einaferð megnaði at verja sína støðu við tveimum liðum í 1. deild.

At hetta letur seg gera, kenst uttan iva av, at felagið eigur so nógvar telvarar at heita á, tá ið á stendur. Hetta framgongur eisini av tí rættiliga langa listanum av telvarum, sum í vetur hava tikið eitt ella fleiri tørn fyri næst besta liðið.