Sum siðvenja er, verður heitt á borgarar í Klaksvíkar Kommunu at rudda í døgunum undan Norðoyastevnu.
Hóast Norðoyastevnan í ár ikki er sum vant, so er kortini gott, at vit fáa býin og bygdirnar í kommununi ruddaðar og snøggaðar.
Tað hevði verið gleðiligt, um borgarar rudda og snøgga rundan um húsini og í nærumhvørvinum.
Umhvørvisátakið hjá Klaksvíkar Kommunu stendur fyri at skipa ruddingardagarnar.
At rudda er gott fyri likam og sál. Vit eru virkin úti í frískari luft, vit taka tøk saman, eru hugbundin og vit frøast um broytingarnar í tí smáa og stóra – alt hetta er í samsvari við tilmælini frá ABC sálarheilsu og heimsmálini fyri burðardyggari menning.
Rusksekkir kunnu heintast í Miðluni frá hósdegnum 4. juni kl. 10 og til fríggjadagin kl. 12. Tit fáa rusksekkir eftir tørvi, tó í mesta lagi eina rullu.
Tá tit eru liðug at rudda, vinarliga stillið rusksekkirnar við vegjaðaran, har teir eru sjónligir og eisini er best, um tit kunnu savna fleiri rusksekkir á sama stað, til dømis eitt ella tvey støð á hvørjari gøtu. Ein lastbilur hjá kommununi kemur at koyra runt og heinta sekkirnar til og við leygardagin 6. juni kl. 11.
