sigur eitt tíðindafólk hjá íslendska morgunblaðnum, sum vit tosaðu við í morgun
– Vit hava júst verið á redaktiónsfundi á Morgunblaðnum og ikki tykkum at siga, so verða tað fíggjarligu søgurnar sum fylla blaðið hesa vikuna.
– Dagurin byrjaði við at fíggjarmálaráðharrin var í ríkisútvarpinum og segði at bankarnir í morgun lótu upp sum vanligt, men tá hann var spurdur segði hann sum var, at hann ikki kundi garantera fyri morgindegnum.
– Fólk eru ørkimlaði og kenna seg maktarsleys og tað sum øll tosað um er minkandi virði á íslendsku krónuni.
– Flestu halda at støðan á altjóða fíggjarmarknaðunum hevur størstu skuldina – men nú eru vit eisini farin at hoyra røddir sum seta spurnartekin við banka leiðslurnar og politisku leiðsluna.
– Allir íslendingar hava verið vitnið til eitt íløgu-ball sum ikki hevur kent sín líka og í dag mugu vit staðfesta at ballið er liðugt.
– Sum blaðfólk fáa vit sera nógvar uppringingar har fólk greiða frá at tey sleppa ikki í bankan eftir innistandandi – men tá vit tosað við bankarnar siga teir bara at alt er sum vanligt.
– Høvuðssøgan hjá okkum í dag verður fallandi virði á íslendsku krónini og tær fylgir tað kann fáa fyri vanliga borgaran.
