Í sambandi við ársfund Útnorðurráðsins vórðu útferðir skipaðar m.a. til Klaksvíkar.
Útnorðurráðið hevur í ár ársfund sín í Føroyum. Kári P. Højgaard, løgtingslimur, hevur verið formaður seinastu setuna, men nú er nýggjur formaður valdur. Tað er Josef Motzfeldt, formaður í grønlendska Landstinginum, ið nú verður formaður.
Útnorðurráðið hevur verið á útferð ein part av tíðini, ið ársfundurin hevur verið. M.a. hevur verið vitjað í Runavík, Leirvík og Klaksvík.
Í Klaksvík tóku Gunvá við Keldu, borgarstjóri, og Jógvan Skorheim, formaður í mentanarnevndini, ímóti. Nakrar styttri framløgur vóru, og so var ein hugnalig kaffiløta. Eftir vitjanina í býráðshúsinum varð farið at vitja aðrarstaðir í kommununi.
